әзәрбәйҗан билән түркмәнистан «достлуқ» нефитликидин тәң бәһримән болуш тоғрисида келишти
әзәрбәйҗан билән түркмәнистан каспий деңизидики «достлуқ» намлиқ нефитликтин тәң бәһримән болуш тоғрисида келишим һасил қилди.
түркийә авази радийоси хәвири: әзәрбәйҗан ташқи ишлар министири җәйһун байрамов түркмәнистанлиқ мәнсәпдиши рашит мәрәдов билән көрүшүп, «достлуқ» нефитликидә мәшғулат елип бериш вә ишлитишни икки дөләтниң бирликтә ишқа ашуруши тоғрисидики келишимни имзалиди.
әзәрбәйҗан пирезиденти илһам әлийев билән түркмәнистан пирезиденти гурбангули бәрдимуһәммәдовму син көрүнүшлүк һаләттә имза қойуш мурасимиға қатнашти.
түркмәнистанлиқлар «сәрдар », әзәрбәйҗанлиқлар «кәпәз» дәп атайдиған нефитликниң қайси дөләткә тәвә икәнлики вә униңдин қандақ пайдилиниш мәсилиси икки йилдин буйан икки дөләт оттурисида дипломатик мәсилиләрни кәлтүрүп чиқарғаниди.
мөлчәрлинишичә, әзәрбәйҗан билән түркмәнистанниң оттурисиға җайлашқан каспий деңизида тәхминән 60 милйон тонна нефит записи бар икән.
مۇناسىۋەتلىك خەۋەرلەر
шимшәк: йәршари мәбләғ салғучилири түркийәниң иқтисадий пиланиға ишиниду
министир мәһмәт шимшәк америка қошма иштатлиридики зийарити һәққидә TRT гә байанат бәрди.
