تۈركىيە توي ساياھىتى ئۈچۈن ھەرىكەتكە ئۆتتى

تۈركىيە ئاۋازى رادىيوسى خەۋىرى:  يېقىندىن بۇيان تۈركىيەگە توي ساياھىتى ئۈچۈن كېلىۋاتقان ساياھەتچىلەر سانى بارغانسېرى كۆپەيمەكتە. يېقىنقى مەزگىللەردە ئوتتۇرا شەرق ئەللىرىدىن توي مۇراسىملىرىنى تۈركىيەدە ئۆتكۈزۈش ئۈچۈن تەلەپ سۇنۇۋاتقانلارنىڭ سانى كۈنسېرى كۆپەيمەكتە.  بولۇپمۇ بۇ يىلنىڭ دەسلەپكى 7 ئېيى ئىچىدە توي مۇراسىملىرىنى تۈركىيەدە ئۆتكۈزگەن ھىندىستان ۋە لىۋان قاتارلىق دۆلەتلەردىن كەلگەن ساياھەتچىلەرنىڭ سانى كۆزگە كۆرۈنەرلىك دەرىجىدە  ئاشتى. ھىندىستاندىن % 95 لىك ئېشىش بىلەن 93 مىڭ، لىۋاندىن بولسا % 43 لىك ئېشىش بىلەن 155 مىڭ ساياھەتچى تۈركىيەگە كەلدى.