уйғур елидә тәхминән 1 милйард тонна нефит записи байқалған
хитай хәлқара радийосиниң уйғур елиниң шималидики җуңғар ойманлиқида 1 милйард тонна нефит записи байқалғанлиқини хәвәр қилғанлиқи билдүрүлди.
түркийә авази радийоси хәвири: хитай хәлқара радийоси хитай нефит ширкитиниң җуңғар ойманлиқида зор миқдарда нефит записи байқиғанлиқини хәвәр қилди.
хәвәрдә, байқалған нефитликниң дунйадики әң чоң нефит записиға игә нефитлик икәнлики әскәртилди.
хитай нефит ширкити йеқинқи икки йилда уйғур елидә 1 милйон 380 миң тонна нефит ишләпчиқарған иди. хәвәрдә көрситилишичә, мәзкур ширкәт дөләтниң 13- бәш йиллиқ (2020-2016) пилани рамкисида, райондин 6 милйон тонна нефит бурғилашни нишан қилған.
дунйада әң көп енергийә истемал қилидиған дөләт һесаблинидиған хитайниң ғәрбий шималидики уйғур ели, нефиттин башқа, сериқ алтун, платина, күмүш, уран вә көмүр қатарлиқ йәр асти вә йәр үсти байлиқлар мол болған район һесаблиниду.
مۇناسىۋەتلىك خەۋەرلەر
түркийәдә ишсизлиқ нисбити төвәнлиди
түркийәдә ишсизлиқ нисбити март ейида алдинқи айға селиштурғанда % 0.1 азийип, ٪8.6 кә төвәнлиди.
түркийәниң санаәт мәһсулатлирини ишләпчиқириш көрсәткүчи ашти
түркийәниң санаәт мәһсулатлирини ишләпчиқириш көрсәткүчи йиллиқ нисбәттә % 4.3 ашти.
