«дәсләптә мени урушти, андин ташлап қойушти»
исраилийә әскәрлири тәрипидин дөшкәллинип, назарәткә елинған довн синдроми кесили бар пәләстинлик йаш, назарәткә елиниш җәрйанида баштин кәчүргәнлирини бу сөзләр билән ипадиләп бәрди.
пәләстинлик өсмүрләргә қилған зулумлири билән көпинчә күнтәртипкә келип туридиған исраилийә әскәрлири, ишғалийәт астидики әлхәлилдә йәнә бир шәрмәндичиликини намайан қилди.
29 йашлиқ, довн синдроми кесили бар муһәммәд тавил коча оттурисида уруп дөшкилинип назарәткә елинған иди.
униң үстигә бу түнҗи иш әмәс иди.
исраилийә әскәрлири буниңдин илгириму довн синдроми кесили болған пәләстинлик бир йашқа йәнә мушундақ мудахилә қилған иди.
вәтини ишғалийәт астида қалған пәләстин хәлқи трампниң шәрмәндиләрчә қуддус қараридин кейин наразилиқлирини давамлаштурмақта.
16 йашлиқ фәвзи җунәйдиму пәләстиндики наразилиқ намайишиниң символиға айланған иди.
тағиси рәшад җунәйдигә түркийәниң аммивий тәшкилатлири тәрипидин қоллаш мәктуплири йолланди.
рәшад җунәйди йәкшәнбә күни әнқәрәдә өткүзүлидиған қуддус йиғилишиға тәклип қилинди.
