ئاۋسترىيە تاشقى ئىشلار مىنىستىرى ئالېكساندىر شاللېنبېرگ تۈركىيەدە زىيارەتتە بولىدۇ

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى ئاۋسترىيە تاشقى ئىشلار مىنىستىرى ئالېكساندىر شاللېنبېرگنىڭ تۈركىيە زىيارىتى توغرىسىدا يازما بايانات ئېلان قىلدى.

باياناتتا: «ئاۋسترىيە جۇمھۇرىيىتى تاشقى ئىشلار مىنىستىرى ئالېكساندىر شاللېنبېرگ 2024-يىلى 5-ئاينىڭ 13-، 14-كۈنلىرى دۆلىتىمىزدە رەسمىي زىيارەتتە بولىدۇ. تاشقى ئىشلار مىنىستىرىمىز خاقان فىداننىڭ مېھمان مىنىستىر بىلەن ئۆتكۈزىدىغان ئۇچرىشىشلىرىدا، ئىككى دۆلەت مۇناسىۋىتى، تۈركىيە-ياۋروپا ئىتتىپاقى مۇناسىۋىتى، رايون ۋە دۇنياۋى ئۆزگىرىشلەر مۇزاكىرە قىلىنىدۇ» دېگەن ئىبارىلەرگە ئورۇن بېرىلدى.