өнҗү кәчәли ирақниң кормор тәбиий газлиқидики түркийә пуқралири һәққидә байанат елан қилди

түркийә авази радийоси хәвири: түркийә ташқи ишлар министирлиқи байанатчиси өнҗү кәчәли сулайманийәниң чәмчәмал наһийәсидики кормор тәбиий газ мәшғулат районида ишләватқан түркийә пуқралириниң әһвали үстидә тохтилип: «ирақниң сулайманийә шәһириниң чәмчәмал наһийәсидә җүмә күни бихәтәрлик мәсилиси йүз бәрди. һазир әһвал тинчдәк қилиду» деди.

өнҗү кәчәли екс (X( адресида һәмбәһрлигән байанатида, чәмчәмал наһийәсигә қарашлиқ кормор районида тәбиий газ суйуқландуруш завути қуруш лайиһәсигә түрк ширкәтлириниңму қатнашқанлиқини билдүрди.

у мунасивәтлик ширкәтләрдә ишләватқан түркийә пуқралиридин тарқақлаштуруш тәлипи кәлгәндин кейин, түркийәниң әрбил консулханисиниң дәрһал һәрикәткә өтүп, керәклик йардәм вә йетәкчилик хизмәтлири билән тәминлигәнликини тилға алди.

у байанатида, «ирақниң сулайманийә шәһириниң чәмчәмал наһийәсидә җүмә күни бихәтәрлик мәсилиси йүз бәрди. һазир әһвал тинчдәк қилиду» деди вә райондики өзгиришләрни йеқиндин көзитиватқанлиқлирини билдүрди.  

ирақниң сулайманийә шәһиригә қарашлиқ кормор тәбиий газ мәшғулат райониға қилинған учқуһуҗумида, үч кишиниң қаза қилғанлиқи билдүрүлгән иди.

чәмчәмал наһийәси башлиқи рәмқ рамазан йәрлик таратқуларға бәргән байанатида, мәркизий әрәб бирләшмә хәлипиликидә болған енергийә ширкити «Dana Gas» тәрипидин ечиливатқан кормор тәбиий газ мәшғулат райониға учқу билән һуҗум қилиш вәқәси йүз бәргәнликини вә һуҗумда үч кишиниң қаза қилип, үч кишиниң йариланғанлиқини билдүргән иди.

бу завут 25 - йанвардиму (2024) учқуһуҗумиға учриған болуп, алдинқи йиллардиму башқурулидиған бомба һуҗумлириға дуч кәлгән иди.