истанбулда исраилийәниң вәһшийанә һуҗумлириға қарши кәң көләмлик намайиш өткүзүлди

түркийә авази радийоси хәвири: инсанпәрвәрлик йардәм фонди җәмийити (IHH) тәрипидин уйуштурулған «ғәззәни унтума!» намлиқ пийадә йүрүшкә, пәләстинлик америка пуқраси, атақлиқ паалийәтчи һувәйда арраф, испанийәдин сабиқ барселона шәһәр башлиқи ада колав вә америкалиқ сабиқ дипломат шундақла пенсийонир полковник ән райтму иштирак қилди.

пийадә йүрүшкә қатнашқучилар «һазир дәрһал урушни тохтат!» дәп йезилған лозункиларни көтүрүп маңди.

пәләстин азадлиқ бирләшмисиниң байанатчиси шундақла пенсийонирамерика әскири ән райт айасофйа мәйданида сөз қилип: «биз ғәззәдики қирғинчилиқни тохтитиш үчүн парахотлиримизни йолға чиқиримиз. ғәззәдики инсанпәрвәрлик паҗиәсини тохтитиш, ачарчилиққа дучар қилинған кишиләргә йемәклик йәткүзүш үчүн йолға чиқимиз. дунйа рәһбәрлиригә хитаб қилимән, бизләр инсанпәрвәрлик мәқсити билән йолға чиқтуқ» деди.

намайишқа қатнашқан барселонаниң сабиқ шәһәр башлиқи вә кишилик һоқуқ паалийәтчиси ада кола: «барселона исраилийә билән болған мунасивәтләрни үзүп ташлиған әң чоң шәһәрләрдин бири һесаблиниду. бу йетәрлик әмәс. йавропа рәһбәрлириниң икки йүзлимичиликидин номус қилимән, шуңа мән бу йәргә кәлдим. мән әркинлик үчүн йолға чиққанлар билән биллимән. қоршавни бузуп ташлишимизни үмид қилимән» деди.

инсанпәрвәрлик йардәм фонди җәмийити (IHH) иҗраийә  һәйити әзаси муһәммәд җиһат чәлик сөз қилип: «йәттә айдин буйан ишғалийәткә қаршилиқ көрситиватқан қәһриман ғәззә хәлқи үчүн бу йәрдимиз. биз пәзиләтликләр иттипақи қурдуқ, дунйаниң һәммила йеридин виҗданлиқ кишиләрни буниңға қатнаштурдуқ вә нишанимизни қайтидин ғәззәгә тоғрилаймиз, ғәззәгә баримиз, уруш тохтитишта муһим рол ойнаймиз, биз ембарголарни бузуп ташлаймиз» деди.