түркийәниң тоққузинчи йардәм парахоти әләрш портиға йетип барди

түркийә авази радийоси хәвири: түркийә қизил һилал ай җәмийити башчилиқида топланған йемәклик, бовақ лазимәтликлири вә ухлаш халтиси қатарлиқ җиддий еһтийаҗлиқ лазимәтликләрни исраилийәниң һуҗумиға учраватқан ғәззәдики пәләстинликләргә йәткүзүп бериш хизмәтлири үзлүксиз давамлашмақта.

4-айниң 16-күни мәрсиндин қачиланған йардәм буйумлирини елип йолға чиққандин кейин, мисирниң ғәззәгә йеқин йеригә җайлашқан әләрш портиға ләңгәр ташлиған «9-йахшилиқ парахоти»ни бошитиш тәййарлиқлири тамамланди.

парахотқа йеқинлашқан киран 227 миң 63 данә йемәклик болиқи, 869 тонна ун, 14 миң 700 данә бовақ закиси, 2 миң ухлаш халтиси вә 400 тонна еғирлиқидики башқа йардәм буйумлирини портқа чүшүрүшкә башлиди.

чүшүрүш ахирлашқандин кейин, йүк машинилириға бесилип рәфаһ чегра еғизиға елип берилидиған йардәм буйумлири, таможна рәсмийәтлиридин кейин ғәззәдики қийинчилиқи бар кишиләргә йәткүзүп берилиду.