түркийә иран билән исраилийәни мөтидилликкә чақирди

түркийә авази радийоси хәвири: түркийә ташқи ишлар министирлиқи иранниң исраилийәгә қилған һуҗумидин кейин елан қилған байанатида, исраилийәниң ғәззәдики урушиниң кеңийиш вә йуқири өрләш хәвипи йаритидиғанлиқиға даир түркийәниң агаһландурушини узундин буйан барлиқ сөһбәтдашлириға әскәртип келиватқанлиқи билдүрүлди.  

байанатта мундақ дейилди:

«исраилийәниң иранниң дәмәшиқтики әлчиханисиға қилған хәлқара қанунға хилап һуҗуми әндишимизниң тоғра икәнликини испатлиди. иранниң бу һуҗумға қайтурған өч елиш һәрикити вә кейинки өзгиришләр вәқәләрниң қандақ тезликтә район характерлик урушқа айлинидиғанлиқини йәнә бир қетим көрситип бәрди. биз вәқә йүз бериштин илгири иран вә америка даирилири билән көрүшүп, мөтидилликни чақириқ қилған идуқ. тәрәпләрниң өзара үмидлири вә учурлириму дөлитимиз арқилиқ йәткүзүлгән иди. инкасларниң тәңпуң болушиға капаләтлик қилиш үчүн керәклик тәдбирләрни алған идуқ. биз  бүгүнму иран даирилиригә вә исраилийәгә тәсир көрситәләйдиған ғәрб дөләтлиригә вәзийәтниң кәскинлишишни тосуп қелиш керәкликигә даир учурлиримизни ениқ йәткүзмәктимиз. районимизниң муқимлиқиға узун муддәтлик зийан салидиған вә дунйа миқйасида техиму чоң тоқунушларни кәлтүрүп чиқиридиған һәрикәтләрниң алдини елиш үчүн тиришчанлиқлиримизни давамлаштуримиз.»