ئەردوغان ئەنۋەر ئىبراھىم بىلەن تېلېفونلاشتى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى بايانات ئېلان قىلىپ، جۇمھۇر رەئىس ئەردوغاننىڭ مالايشىيا باش مىنىستىرى ئەنۋەر ئىبراھىم بىلەن تېلېفونلىشىپ، تۈركىيە-مالايشىيا مۇناسىۋەتلىرى، رايون ۋە دۇنياۋى مەسىلىلەرنى مۇزاكىرە قىلغانلىقىنى ئۇقتۇردى.

جۇمھۇر رەئىس ئەردوغان تېلېفون سۆھبىتى جەريانىدا، ئىسلام دۇنياسىنىڭ ئورتاق تىرىشچانلىقى سايىسىدا ئىسرائىلىيە ۋە ئۇنىڭ قوللىغۇچىلىرىغا بولغان بېسىمنىڭ كۈچەيگەنلىكىنى، تىنچلىق ۋە پەلەستىننى قوللاش تىرىشچانلىقىنىڭ قەتئىي ئىرادە بىلەن داۋاملىشىشى كېرەكلىكىنى ئوتتۇرىغا قويدى.

ئەردوغان بىلەن ئەنۋەر ئىبراھىم بىر-بىرىنىڭ قۇربان ھېيتىنى تەبرىكلىدى.