түркийәдә вә дунйадики нурғун дөләтләрдә, мусулманлар роза һейтни тәбриклиди
роза һейтниң биринчи күни әтигәндә, кишиләр һейт намизини оқуш үчүн җамәләргә сәл болуп ақти. җамәләрни лиқ толдурған мусулманлар, намаздин кейин дуа қилди, арқидин бир-бириниң һейтини мубарәклиди.
түркийә авази радийоси хәвири: пайтәхт әнқәрәдә әтигән сәһәрдә җамәләр лиқ толди. чәт әлләрдин кәлгән мусулманларниң җамәләргә өзиниң миллийчә кийми билән келиши, көзгә алаһидә челиқти. пайтәхттикиләрму намазни ада қилғандин кейин, бир-бириниң һейтини тәбриклиди.
истанбулда охшимиған җайлардин кәлгән йәрлик вә чәт әллик мусулман сайаһәтчиләр, һейт намизини чоң вә тарихий җамәләрдә оқуди. намаз ахирлашқандин кейин, җамәниң һойла вә бағчилирида бир-бириниң һейтини мубарәклиди.
түркийәниң башқа вилайәт шәһәрлиридиму, кишиләр һейт намизини оқуш үчүн җамәләргә сәл болуп ақти. намаздин кейин, бир-бириниң һейтини тәбриклиди.
бүгүн ишғал астидики шәрқий қуддуста 60 миңдин артуқ мусулман исираилийәниң түрлүк чәклимилиригә қаримай, һейт намизини мәсҗиди әқсада оқуди.
гирузийә, қирғизистан, өзбекистан, әзәрбәйҗан, афғанистан вә шиветсийәдики мусулманларму һейт намизини ада қилғандин кейин, бир-бириниң һейтини тәбриклиди.
