алтун: пәләстин тарихимизниң айрилмас бир парчиси

түркийә авази радийоси хәвири: фаһрәттин алтун җумһур рәислик мәһкимиси учур – алақә ишлири идарисиниң истанбулдики галатапорт посулка почтиханисида уйуштурулған «әсирлик аманәт: қизилай әсир мәктуплири көргәзмиси»ни зийарәт қилди вә у йәрдә сөз қилип: «көргәзмимиздә (биринчи дунйа уруши мәзгилидә) пәләстин фиронтида  әсиргә чүшүп қалған әскәрлиримизниң мәктуплири вә сүрәтлири үчүн алаһидә орун аҗраттуқ. бу рәсимләр вә сүрәтләрниң бизгә ейтип беридиғини, пәләстинниң тарихимизниң айрилмас бир қисми икәнликидур. тарих бойичә дунйаниң һәрқайси җайлирида адаләт вә тинчлиқни қоғдап кәлгән бир хәлқ болуш сүпитимиз билән, бүгүнму пәләстин бизниң бир парчимиздур, пәләстин хәлқиниң йенида туримиз, арқисида туримиз, уларниң һәқлиқ дәвасини қоллаймиз» деди.

көргәзмини өзлириниң һәқ билән наһәқ оттурисидики күрәштә қәйәрдә туруватқанлиқини намайан қилиш нуқтисидин интайин қиммәтлик дәп қарайдиғанлиқини билдүргән алтун, 25 миң парчә әсир мәктупини 100 йил бойичә сақлап кәлгән түрк қизилай җәмийитигә вә паалийәткә тоһпә қошқан т р т ға миннәтдарлиқ билдүрди.