гүләр: террорлуқ тәшкилатини һәрикәт иқтидарини йоқитиш нуқтисиға кәлтүрдуқ

түркийә авази радийоси хәвири: дөләт мудапиә министири гүләр түнүгүн қириққәләдә байанат берип, түркийә армийәсиниң бир тәрәптин чегра бихәтәрликигә капаләтлик қилип, йәнә бир тәрәптин, йәнә бир тәрәптин, терроризмға қарши күрәштә зор утуқларни қолға кәлтүргәнликини тәкитлигән һалда: «дөләт ичи-сиртида елип берилған әҗәллик һәрикәтләр арқилиқ тәшкилатни һәрикәт иқтидарини йоқитиш басқучиға кәлтүрдуқ. нәтиҗидә мәмликитимизниң һәрқайси җайлирида орнитилған бихәтәрлик вә тинчлиқ муһити һес қилинди. терорлуққа қарши туруштин башқа, әң күчлүк вә үнүмлүк тәдбирләрни йолға қойуп, чегралиримизниң бихәтәрликигә капаләтлик қиливатимиз. охшашла, һава бошлуқи вә деңизлардики һәқ-һоқуқ вә мәнпәәтлиримизниму қәтийлик қоғдаватимиз. бу паалийәтләргә параллел һалда, нурғун районларниң бихәтәрлик, тинчлиқ вә муқимлиқиға төһпә қошуватимиз» деди.

йәрлик вә миллий мудапиә санаити мәһсулатлири арқилиқ армийәниң иқтидарини техиму ашурғанлиқлирини билдүргән гүләр, фиртина намлиқ зәмбирәкләр, учқучисиз һава аппарати, қораллиқ учқучисиз һава аппарати, һуҗумчи учқучисиз һава аппарати, һуҗумчи тик учарлар, TCG  анадолу парахоти вә һава мудапиә системиси қатарлиқ нурғун һалқилиқ мәһсулатларниң армийәгә тапшурулғанлиқини тәкитлиди.

ахирида, миллий күрәшчи айропилан— KAAN ниң 2-айниң 21-күни мувәппәқийәтлик һалда тунҗи қетим учқанлиқини әскәрткән гүләр, сөзини давамлаштуруп: «шундақ қилип, түркийә дунйадики өзиниң уруш айропилани ишләпчиқиралайдиған аз сандики дөләтләрниң биригә айланди, буниңдин қанчилик пәхирләнсәк азлиқ қилиду» дегәнләрни қәйт қилди.