баш әлчи өнал хәлқара җәмийәтниң сүрийә мәсилисигә тутқан позитсийәсини өзгәртишини тәләп қилди
түркийәниң бирләшкән дөләтләр тәшкилати (б д т) да турушлуқ даимий вәкили сәдат өнал террорлуқниң сүрийәниң сийасий бирлики вә земин пүтүнлүки билән бирликтә, районниң тинчлиқи вә муқимлиқидики әң чоң тәһдиткә айланғанлиқини оттуриға қойди.
2118726
түркийә авази радийоси хәвири: баш әлчи өнал б д т хәвпсизлик кеңишиниң сүрийәниң сийасий вә инсанпәрвәрлик вәзийити тоғрисидики йиғинида сөз қилди؛ у 13 йилдин буйан давам қиливатқан сүрийәдики тоқунуш сәвәбидин инсанпәрвәрлик, сийасий, бихәтәрлик вә иқтисадий вәзийәтниң йаманлишип кәткәнликини оттуриға қойуп: «террорлуқ сүрийәниң сийасий бирлики вә земин пүтүнлүки билән бирликтә, районниң тинчлиқи вә муқимлиқидики әң чоң тәһдиткә айланди» деди.