әрдоған истанбулда өткүзүлгән «кона достлар иптари» да муһим сөз қилди
җумһур рәис рәҗәп таййип әрдоған: «хәлқара органлар вә тәшкилатлар ғәззәдә йәнә бир қетим мәғлуб болди. шуниму етирап қилайлики, ислам дунйасиму бу җәрйанда синақтин йахши өтәлмиди» деди.
түркийә авази радийоси хәвири: җумһур рәис әрдоған истанбулда өткүзүлгән «кона достлар иптари» паалийитигә қатнашти.
әрдоған паалийәттә қилған сөзидә, исраилийәниң 7-өктәбир (2023) дин буйан ғәззәдә һуҗумлирини давамлаштуруватқанлиқини вә ғәззәдә алдинқи әсирниң әң вәһший қирғинчилиқлиридин бириниң йүз бериватқанлиқини тәкитләп, хәлқаралиқ тәшкилатларниң бу һәқтә йәнә бир қетим мәғлуб болғанлиқини ейтти.
әрдоған: «исраилийәниң қирғинчилиқни қилалиши үчүн оқ-дора йардәм бәргән ғәрб дөләтлириниң мунапиқлиқи, ғәззәни дунйа бойичә әң чоң кичик балилар вә айаллар қәбристанлиқиға айландуруп қойди. етирап қилайлики, ислам дунйасиму синақтин йахши өтәлмиди. биз мусулман болуш сүпитимиз билән чоқум өзимиздин буниң һесабини сөришимиз керәк» деди.
җумһур рәис әрдоған түркийәниң барлиқ имканийәтлири билән ғәззәлик қериндашлирини қоллиғанлиқини әскәртип, ғәззәгә 40 миң тоннадин артуқ инсанпәрвәрлик йардими йоллиғанлиқини вә техиму ашурған һалда давамлаштуридиғанлиқини билдүрди.
مۇناسىۋەتلىك خەۋەرلەر
түркийә ғәззәгә давамлиқ инсанпәрвәрлик йардими қилмақта
түркийәниң ғәззәгә қилған омумий инсанпәрвәрлик йардими 52 миң тоннидин ашти.