бағдадта хәвпсизликни асас қилған муһим йиғин ечилиду
ташқи ишлар министири хақан фидан, дөләт мудапиә министири йашар гүләр вә истихбарат идарисиниң башлиқи ибраһим қалин бүгүн (14-март) хәвпсизликни асас қилған учришишлар үчүн ирақ пайтәхти бағдадқа йетип бариду.
түркийә авази радийоси хәвири: ташқи ишлар министирлиқи хақан фидан башчилиқидики бир һәйәтниң муһим учришиш үчүн ирақ пайтәхти бағдадни зийарәт қилидиғанлиқи тоғрисида байанат елан қилди.
байанатта, хақан фидан башчилиқидики һәйәтниң, түркийә билән ирақ оттурисида өткүзүлүватқан хәвпсизликни асас қилған учришишлар рамкисида ирақ ташқи ишлар министири фуад һүсәйинниң саһибханлиқида әмәлгә ашурулидиған йиғинға қатнишиш үчүн бағдадқа баридиғанлиқи қәйт қилинди.
байанатта, һәйәттә дөләт мудапиә министири йашар гүләр, истихбарат идариси башлиқи ибраһим қалин вә муавин ички ишлар министири мүнир караоғлуниң барлиқи әскәртилди.
йиғинда, террорлуққа қарши күрәш, хәвпсизлик вә һәрбий һәмкарлиқ қатарлиқ икки тәрәпниң күнтәртипидики мәсилиләрниң кәң даиридә музакирә қилинидиғанлиқи билдүрүлди.
