خاقان فىدان تەكلىپكە بىنائەن ئامېرىكادا رەسمىي زىيارەتتە بولىدۇ

تۈركىيە ئاۋازى رادىيوسى خەۋىرى: تاشقى ئىشلار مىنىستىرلىقىنىڭ يازما باياناتىدا، «ھۆرمەتلىك مىنىستىرىمىز 2024-يىلى  7-مارتتىن 8-مارتقىچە تەكلىپكە بىنائەن ئامېرىكىدا رەسمىي زىيارەتتە بولىدۇ. زىيارەت جەريانىدا تۈركىيە-ئامېرىكا ئىستراتېگىيەلىك مېخانىزم يىغىنى ئۆتكۈزۈلىدۇ. بۇ دائىرىدە مىنىستىرىمىزنىڭ ئامېرىكىلىق مەنسەپدىشى ئانتونىي بلىنكېن بىلەن كۆرۈشىشى ۋە ئىككى تەرەپلىك مۇناسىۋەتلەردىن باشقا يەنە، رايون خاراكتېرلىق ۋە خەلقئارالىق ۋەزىيەتلەر ھەققىدە پىكىر ئالماشتۇرۇشى مۆلچەرلەنمەكتە» دېيىلدى.