قالىن ئامېرىكادا رەسمىي زىيارەتتە بولىدۇ
تۈركىيە جۇمھۇرىيىتى مىللىي ئىستىخبارات ئىدارىسى (MIT) باشلىقى ئىبراھىم قالىن رەسمىي زىيارەتتە بولۇش ئۈچۈن ئامېرىكا قوشما ئىشتاتلىرىغا يۈرۈپ كەتتى.
تۈركىيە ئاۋازى رادىيوسى خەۋىرى: ئىبراھىم قالىن پايتەخت ۋاشىنگتوندا ئامېرىكا مەركىزىي ئىستىخبارات ئىدارىسى — CIA باشلىقى ۋىليام بۇرنس بىلەن كۆرۈشىدۇ. ئۇنىڭدىن باشقا ئاقسارايدا ئامېرىكا دۆلەت مەجلىسى ۋە تاشقى ئىشلار مىنىستىرلىقى قاتارلىق ئورۇنلاردىكى ئالاقىدار كىشىلەر بىلەن كۆرۈشۈپ سۆھبەتلىشىدۇ.
ئىبراھىم قالىننىڭ كۈنتەرتىپىدە ئىككى دۆلەت مۇناسىۋىتى، پ ك ك، فەتۆ (فەتھۇللاھچى تېررورلۇق تەشكىلاتى)، دائېش قاتارلىق تېررورلۇق تەشكىلاتلىرىغا قارشى كۈرەش مەسىلىلىرى بار؛ بۇ دائىرىدە يەنە، ئىراق، سۈرىيە مەسىلىسى، بولۇپمۇ غەززەدە ئۇرۇش توختىتىش سۆھبەتلىرى توغرىسىدا پىكىر ئالماشتۇرىدۇ. سۆھبەتلەر جەريانىدا، داۋاملىشىۋاتقان رۇسىيە-ئۇكرائىنا ئۇرۇشى ۋە كاۋكاز ۋەزىيىتىمۇ مۇھاكىمە قىلىنىدۇ.
مۇناسىۋەتلىك خەۋەرلەر
ئەردوغان ئەلىيېۋ بىلەن تېلېفونلاشتى
جۇمھۇر رەئىس رەجەپ تاييىپ ئەردوغان ئەزەربەيجان پىرېزىدېنتى ئىلھام ئەلىيېۋ بىلەن تېلېفونلاشتى.
