фаһрәттин алтун пәләстинлик фотограф мухбири мотаз азизани тәбриклиди
җумһур рәислик учур мәһкимиси учур-алақә ишлири идариси башлиқи фаһрәттин алтун «т р т дунйа пуқраси» мурасимида пәләстинлик фотограф мухбири мотаз азизаниң мукапатқа лайиқ көрүлгәнлкини тәбриклиди.
түркийә авази радийоси хәвири: мотаз азиза түркийә радийо-телевизийә идариси (т р т) тәрипидин истанбулда уйуштурулған «т р т дунйа пуқраси» мурасимида учур - алақә мукапатиға лайиқ көрүлди.
җумһур рәислик мәһкимиси учур- алақә ишлири идариси башлиқи фаһрәттин алтун пәләстинлик фотограф мухбири үчүн тәбрик хети елан қилди.
фаһрәттин алтун исраилийәниң һуҗуми астидики ғәззәдә йүз бәргән вәқәләрни азизаниң дунйаға йәткүзгәнликиниң әһмийитини тәкитләп: «һөрмәтлик мотаз азиза, сизниң хизмитиңизгә вә пүтүн дунйаниң ғәззәдә йүз бәргән ирқий қирғинчилиқтин хәвәрдар болушиға болған садақитиңиздин шундақла хизмитиңизгә өзиңизни беғишлиғанлиқиңиздин миннәтдармиз» деди.
фаһрәттин алтун ғәззәдә исраилийә тәрипидин өлтүрүлгән мухбирларни әслитип: «әгәр ғәззәдә инсанийәтниң учур әркинлики үчүн өлтүрүлгән 119 мухбир вә силәрниң мәвҗутлуқиңлар һәмдә шунчә қийин шараитта көрсәткән пәқуладдә тиришчанлиқиңлар болмиған болса иди, дунйа немә иш болғанлиқидин техиму аз хәвәрдар болған болатти. хәлқ аммиси һәрикәткә өтмигән шундақла техиму көп азаб-оқубәтләр йүз бәргән болатти» деди.
җумһур рәислик учур мәһкимиси учур-алақә идариси башлиқи фахрәттин алтун мотаз азизани тәбрикләп: «мән худдий сизгә охшаш һәр бир ғәззәликниң аилисидикиләр билән биргә тинчлиққа игә болушни тиләймән, мукапатланғанлиқиңиз үчүн сизни бир қериндаш сүпитидә тәбрикләймән» деди.
