һалуқ байрақтар ефийопийәниң шәрәп ордени билән мукапатланди

түркийә авази радийоси хәвири: һалуқ байрақтар ефийопийәниң дөләт вә һава армийәсиниң иқтидарини ашуруш шундақла тәрәққий қилдурушқа қошқан төһписи үчүн әң нопузлуқ шәрәп ордени мукапатиға еришти.

ефийопийә һава армийәси қурулғанлиқиниң 88 -  хатирә йили мунасивити билән пайтәхт әддис әбебәдә өткүзүлгән мурасимда һалуқ байрақтарға  шәрәп ордени мукапатини ефийопийә баш министири аби әһмәд әлиниң һузурида армийә баш иштаб башлиқи маршал бирхану җула вә һава армийәси қомандани лейтенант генерал йилма мердаса тәқдим қилди.

һалуқ байрақтар илгириму әзәрбәйҗан, украина, буркина фасо, мали, қирғизистан вә косова тәрипидин дөләтлиригә қошқан төһписи үчүн һәр хил медаллар билән мукапатланған иди.