фахрәттин коҗа: «2028 - йили барлиқ ваксинилар йүздә йүз түркийәдә ишләпчиқирилиду»
сәһийә министири фахрәттин коҗа балилар иммунитет программисида ғалҗирлиқ, A типлиқ җигәр йаллуғи вә су чечики кесәллики ваксинисини техника йөткәш арқилиқ түркийәдә ишләпчиқиридиғанлиқини билдүрди.
түркийә авази радийоси хәвири: министир фахрәттин коҗа, «2028 - йили барлиқ ваксинилар йүздә йүз түркийәдә ишләпчиқирилиду» деди.
фахрәттин коҗа түркийә бүйүк милләт мәҗлиси (парламенти) омумий кеңишида қилған сөзидә, түркийәдики сәһийә мулазимәтлирини чүшәндүрди вә ваксина ишләпчиқириш тоғрисида тохталди.
ваксина вә биотехниклиқ мәһсулатларни ишләпчиқириш мәркизиниң қурулушиниң тамамланғанлиқини һәмдә синақ ишләпчиқиришни 2025-йили башлайдиғанлиқини байан қилған фахрәттин коҗа, нишанлириниң еһтийаҗлиқ ваксиниларниң һәммини түркийәдә ишләпчиқириш икәнликини чүшәндүрди.
фахрәттин коҗа: «балилар иммунитет программисида ғалҗирлиқ, A типлиқ җигәр йаллуғи вә су чечики кесәллики ваксинисини техника йөткәш арқилиқ түркийәдә ишләпчиқиримиз. иммунитет программисидики башқа барлиқ ваксиниларниң һәммиси хифзисиһһада ишләпчиқирилиду. 2028 - йили барлиқ ваксинилар йүздә йүз түркийәдә ишләпчиқирилидиған болиду» деди.
