әрдоған венгирийәдә зийарәттә болиду
дөлитимиз (түркийә җумһурийити) җумһур рәиси рәҗәп таййип әрдоған 18 – декабир күни венгирийәдә дөләт ишлири зийаритидә болиду.
түркийә авази радийоси хәвири: җумһур рәис рәҗәп таййип әрдоғанниң венгирийә зийарити, икки дөләт оттурисида биринчи дунйа урушидин кейин үзүлүп қалған дипломатик мунасивәтләрни қайтидин әслигә кәлтүрүш үчүн имзаланған достлуқ келишиминиң 100 - йиллиқиға тоғра келиду.
зийарәт җәрйанида, икки дөләт оттурисидики сийасий, дипломатик вә иқтисадий мунасивәтләрниң көздин кәчүрүлүши мөлчәрләнмәктә.
әрдоан венгирийә пирезиденти каталин новак вә баш министири виктор орбан билән көрүшиду.
учришишларда, түркийә - йавропа иттипақи мунасивәтлиридин тартип ғәззә райониниң нөвәттики вәзийитигә қәдәр муһим күнтәртип маддилири, түркийә билән венгирийәниң иқтисадий вә сийасий мунасивәтлири һәққидә музакирә елип берилиши пиланланмақта.
игилинишичә, бу даиридә, истратегийәлик алий һәмкарлиқ кеңиши йиғини чақирилидикән. икки дөләтниң министирлири түркийә – венгирийә мунасивәтлирини тәпсилий көздин кәчүридикән вә йеңи келишимләрни имзалайдикән.
