ирақниң шималида террорчиларға әҗәллик зәрбә берилди
түркийә армийәсиниң ирақниң шималида елип барған һава һуҗумлири давамида бөлгүнчи террорлуқ тәшкилати п к к ниң каттибашлириниму өз ичигә алған террорчилар панаһлиниватқан ғар, панаһ җай вә оқ-дора искилатлири қатарлиқ 16 нишан йәр билән йәксан қи
ркийә авази радийоси хәвири: түркийә дөләт мудапиә министирлиқи тәрипидин елан қилинған байанатта, бөлгүнчи террорлуқ тәшкилати п к к/ к җ к вә башқа террорлуқ унсурлирини бир тәрәп қилип, ирақниң шималидин түркийә һәм дөләт хәвпсизлик күчлиригә қаритилған террорлуқ һуҗумлириға тақабил туруш, чегра бихәтәрликигә капаләтлик қилиш үчүн, бирләшкән дөләтләр тәшкилатиниң 51-маддисидики қанунлуқ қоғдиниш бәлгилимисигә асасән һава һуҗумлири елип берилғанлиқи байан қилинип мундақ дейилди:
«2023-йили 12-айниң 1-күни саәт 18.30 да ирақниң шималидики гара, мәтина, һақуруқ вә қәндил районлирида турушлуқ террорлуқ нишанлириға қарши һава һәрикәтлири елип берилди. һава һәрикәтлири давамида, бөлгүнчи террорлуқ тәшкилати п к к/к җ к ниң каттибашлириниму өз ичигә алған террорчилар панаһлиниватқан ғар, панаһ җай вә оқ-дора искилатлири қатарлиқ 16 нишан йәр билән йәксан қиливетилди, көп санда террорчи бир тәрәп қилинди. әзиз хәлқимизниң пидакар әвладлири болған қәһриман қисимлиримиз, илгирикигә охшашла дөлитимиз вә хәлқимизниң мәвҗутлуқи вә бихәтәрликини қоғдаш үчүн, таки әң ахирқи террорчи бир тәрәп қилинғанға қәдәр терроризмға қарши күрәшни қәтий ирадә билән кәскин давамлаштуриду.»
«һава һәрикәтлири җәрйанида бигунаһ пуқралар, дост дөләтләрниң қисимлири, тарихий вә мәдәнийәт мираслири һәм муһитниң зийанға учримаслиқи үчүн барлиқ тәдбирләр қоллинилди.»
