п к к/й п г йәнә балиларни тутқун қилди

түркийә авази радийоси хәвири: бөлгүнчи террорлуқ тәшкилати п к к/й п г өз сепидә мәҗбурий урушқа қатнаштуруш үчүн сүрийәдә ишғалийити астидики районлардики балиларни аилилиридин қачуруп, тутқун қилмақта.

бөлгүнчи террорлуқ тәшкилати п к к/й п г сүрийәниң һәләб вилайитидә ишғалийити астидики шәйх мәқсуд мәһәллисидә 13 йашлиқ бир балини тутқун қилди, андин униңға қораллиқ тәлим – тәрбийә бериш үчүн, уни аталмиш ​​мәшиқ лагериға елип кәтти.

бөлгүнчи террорлуқ тәшкилати п к к/й п г тутқун қилинған балиларниң аилисидикиләр билән алақә қилишиға йол қоймайду.

хәлқаралиқ тәшкилатларму бөлгүнчи террорлуқ тәшкилати п к к/й п г ниң балиларни мәҗбурий урушқа салидиғанлиқини дәлил – испатлар арқилиқ оттуриға қоймақта.

бирләшкән дөләтләр тәшкилати 2022-йили 1-айдин 12-айғичә болған мәзгилдики «һәр йили қораллиқ тоқунушларға селиниватқан балилар» намлиқ доклатида, бөлгүнчи террорлуқ тәшкилати п к к вә униң сүрийәдики гумаштиси й п г ниң 2022-йили 1200 дин артуқ балини «әскәр» қилип ишләткәнликини билдүргәниди.

бирләшкән дөләтләр тәшкилати баш катипи антонйо гутеррес мәзкур доклаттики байанатида, мундақ дегәниди:  

«п к к/й п г ниң балиларни әскәр қилип ишлитишидин интайин әндишиликмән. п к к/й п г ни балиларни әскәр вә охшимиған мәқсәттә ишлитишни тохтитишқа, сепидики барлиқ балиларни қойуп беришкә чақиримән.»