ئەردوغان 20 دۆلەت گۇرۇھى رەھبەرلىرىنى پەلەستىن مەسىلىسىنى ھەل قىلىشقا كۈچ قوشۇشقا چاقىردى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان 20 دۆلەت گۇرۇھى باشلىقلار يىغىنىغا سىن كۆرۈنۈشلۈك ھالەتتە ئىشتىراك قىلىپ سۆز قىلدى؛ ئۇ تۈركىيەنىڭ كېپىللىكنى ئۆز ئىچىگە ئالغان يېڭى بىخەتەرلىك پىلانىدا باشقا دۆلەتلەر بىلەن بىرلىكتە مەسئۇلىيەتنى ئۈستىگە ئېلىشقا تەييار ئىكەنلىكىنى ئېيتتى.

«يۈز بېرىۋاتقان ئىشلارنىڭ ھېچبىرىنى (ئىسرائىلىيەنىڭ غەززەگە قاراتقان ھۇجۇملىرىنى) ئۆزىنى قوغداش ھوقۇقى بىلەن ئىزاھلىغىلى بولمايدىغانلىقىنى بارلىق ۋىجدان ئىگىلىرى قوبۇل قىلىدۇ» دېگەن جۇمھۇر رەئىس ئەردوغان، سۆزىنى داۋاملاشتۇرۇپ: «بۇ يەردە روشەن ھالدا ئۇرۇش جىنايىتى ۋە ئىنسانىيەتكە قارشى جىنايەت سادىر قىلىنماقتا. (20 دۆلەت گۇرۇھى رەھبەرلىرىگە خىتابەن) سىلەرنى ئىككى دۆلەتلىك ھەل قىلىش چارىسىنى يولغا قويۇش ئۈچۈن، مەسئۇلىيەتنى ئۈستۈڭلارغا ئېلىشقا چاقىرىمەن» دېگەنلەرنى قەيت قىلدى.