министир коҗа ғәззәлик бимарларниң әһвали тоғрисида мәлумат бәрди
түркийә җумһурийити сәһийә министири фаһрәттин коҗа ғәззәдин түркийәгә елип келингән 27 бимарниң дийагнозлириниң җәзмләштүрүлүп, давалаш хизмәтлириниң башлиғанлиқини билдүрди.
түркийә авази радийоси хәвири: коҗа иҗтимаий таратқудики адресида бимарларниң давалаш җәрйаниға алақидар сүрәтләр билән бирликтә учур һәмбәһрилиди.
«ғәззәдин дөлитимизгә елип келингән 27 бимарниң дийагнози җәзмләшти, давалаш җәрйани давамлашмақта» дегән коҗа, бимарлар һәққидә төвәндики учурларни ортақлашти:
«26 бимарға рак бимари дийагнози қойулди. буларниң ичидә 12 айал вә 18 йаштин төвән икки киши бар. 18 йаштин төвән бимарларниң биридә йумшақ һүҗәйрә раки, йәнә биридә ирсийәт характерлик қан кесили байқалди. қурамиға йәткән бимарлиримизниң сәккизидә сүт бези раки, төт нәпиридә еғир дәриҗидики өпкә раки, үч нәпиридә йумшақ һүҗәйрә раки, иккисидә чоң үчәй раки, биридә өт йоли раки, биридә довсақ раки, биридә бөрәк раки, биридә ашқазан раки, биридә лимфа раки, биридә ақ қан кесили, биридә терә раки йәнә биридә меңә раки дәп дийагноз қойулди».
ғәззәлик бимарларниң тәкшүрүш вә давалаш җәрйаниниң әнқәрә билкәнт шәһәр дохтурханисида давам қиливатқанлиқини байан қилған коҗа, давалашни мутәхәссис дохтурларниң үстигә алғанлиқини қәйт қилди.
коҗа, икки бимарниң башқа бир қисим кесәлликлирини көздә тутуп, еғир кесәлләрни көзитиш өйидә йеқиндин көзитиливатқанлиқини билдүрди.
