әрдоған өзбекистанни зийарәт қилиду

түркийә авази радийоси хәвири: җумһур рәис әрдоған 8-, 9 – нойабир күнлири өзбекситанниң пайтәхти ташкәнттә чақирилидиған 16 – қетимлиқ иқтисадий һәмкарлиқ тәшкилати башлиқлар йиғиниға ишитрак қилиду.

әрдоған йиғин җәрйанида, вәкилләр өмәклири йиғинлириға иштирак қилиду вә рәһбәрләр билән айрим учришишларни өткүзиду.

йиғинда, исраилийәниң 7 – өктәбирдин буйан үзлүксиз давамлишиватқан һуҗумлирини тохтитиши, пәләстингә кечикмәстин инсанпәрвәрлик йардәм буйумлириниң йоллиниши  қатарлиқ мәсилиләр музакирә қилиниду, униңдин башқа, әза дөләтләр ара сода, иқтисад вә мәдәнийәт саһәси һәмкарлиқини илгири сүрүш йолида қәдәмләр ташлиниду.

районға алақидар мәсилиләрму музакирә қилинидиған йиғинида, район билән түркийә оттурисидики таш йолларни биваситә туташтуридиған зәнгәзур каридориға мунасивәтлик әң йеңи илгириләшләрму муһакимә қилиниду.