әрдоған елон маскниң текнофест тоғрисидики учуриға инкас қайтурди

түркийә авази радийоси хәвири: җумһур рәис рәҗәп таййип әрдоған келәр йили авийатсийә, аләм бошлуқи вә пән - техника байрими — текнофестқа қатнишидиғанлиқини елан қилған тесла вә SpaceX ширкәтлириниң баш иҗраийә әмәлдари елон маскқа инкас қайтуруп: «келәр йили дунйадики әң чоң авийатсийә, аләм бошлуқи вә пән - техника байрими — текнофестта сени көрүштин чәксиз хушаллиқ һес қилимиз» деди.

җумһур рәис әрдоған елон маскниң иҗтимаий таратқу суписи <X>  тики учурини нәқил кәлтүрүп: «һөрмәтлик елон маск, келәр йили дунйадики әң чоң авийатсийә, аләм бошлуқи вә пән - техника байрими — текнофестта сени көрүштин чәксиз хушаллиқ һес қилимиз.  өзара нәп йәткүзүш тонуши асасида орнитидиған һәмкарлиқлиримиз билән дөлитимиз вә инсанийәткә нурғун саһәдә зор төһпиләрни қошидиғанлиқимизға ишинимән. әң қисқа вақит ичидә қайта көрүшүшни үмид қилимән...» дегәнләрни қәйт қилди.

маск учурида өзини текнофестқа тәклип қилған җумһур рәис әрдоғанға рәһмәт ейтип: «мән келәр йили текнофестқа биваситә қатнишип, түркийәдики мәбләғ селиш пурсәтлири тоғрисида сөһбәтлишишни тақәтсизлик билән күтмәктимән» дедигәниди.