түркийә шиветсийәдә әрдоғанға қарши садир қилинған иғвагәрчиликни қаттиқ әйиблиди
түркийә шиветсийәдә садир қилинған җумһур рәис рәҗәп таййип әрдоғанға қарши иғвагәрчиликни әң күчлүк шәкилдә әйиблиди.
түркийә авази радийоси хәвири: түркийә җумһурийити ташқи ишлар министирлиқи йазма байанат елан қилип, түркийәниң стокһолмдики әлчиханиси әтрапида иғвагәрчилик қилмишлириниң садир қилинғанлиқини уқтурди.
«биз җумһур рәисимизға қарши садир қилинған қәбиһ қилмишқа рухсәт қилинишини күчлүк шәкилдә әйибләймиз» дейилгән байанатта: «шиветсийәниң сайланған әмәлдарлиримизға қарши мәзкур дөләттә системилиқ шәкилдә давамлаштурулуватқан һақарәт характерлик бу қилмишларни вә террорлуқ тәшкилатлириниң тәшвиқат паалийәтлириниң алдини елиши түркийә җәмийитиниң асаслиқ үмидидур» дегән ибариләргә орун берилди.
шиветсийәниң стокһолм шәһиридики түркийә әлчиханиси алдида сақчиларниң қоғдиши астида җумһур рәис әрдоғанниң моделини көйдүрүш иғвагәрчилики йүз бәрди.
шиветсийәниң шималий атлантик әһди тәшкилати — натоға әза болуш мусаписи давам қиливатқан бир пәйттә, буниңдин бурунму нурғун җайларда түркийә, түркийә байриқи, җумһур рәис әрдоған вә қуран кәримгә һуҗум қилиш қилмишлири садир қилинғаниди.
مۇناسىۋەتلىك خەۋەرلەر
сүрийә вә ирақниң шималида 17 террорчи бир тәрәп қилинди
ирақ вә сүрийәниң шималида бөлгүнчи террорлуқ тәшкилати п к к әзаси 17 террорчи бир тәрәп қилинди.
