дөләт хәвпсизлик кеңиши йиғини әрдоғанниң башчилиқида башланди

түркийә авази радийоси хәвири: пайтәхт әнқәрәдики җумһур рәислик мәһкимисидә өткүзүлгән йиғинда, террорлуққа қарши туруш мәсилиси, музакирә қилинған темилар ичидә биринчи орунда туриду.

йиғинда, дөләт ичидә вә чегра сиртида елип берилған һәрикәтләр көздин кәчүрүлиду.

йиғинда, алдинқи қетимлиқ дөләт хәвпсизлик кеңишидә музакирә қилинған сүрийәлик мусапирларниң өз дөләтлиригә қайтишиға мунасивәтлик әң йеңи әһвал музакирә қилиниду.

24-феврал (2022) дин башлап давамлишиватқан русийә-украина уруши даирисидики өзгиришләрму үстәлдики музакирә темилириниң бири.

йиғинда йәнә, русийәниң чекиниши билән ахирлашқан ашлиқ келишимиму музакирә қилиниду.