دۆلەت خەۋپسىزلىك كېڭىشى يىغىنى ئەردوغاننىڭ باشچىلىقىدا باشلاندى

تۈركىيە ئاۋازى رادىيوسى خەۋىرى: پايتەخت ئەنقەرەدىكى جۇمھۇر رەئىسلىك مەھكىمىسىدە ئۆتكۈزۈلگەن يىغىندا، تېررورلۇققا قارشى تۇرۇش مەسىلىسى، مۇزاكىرە قىلىنغان تېمىلار ئىچىدە بىرىنچى ئورۇندا تۇرىدۇ.

يىغىندا، دۆلەت ئىچىدە ۋە چېگرا سىرتىدا ئېلىپ بېرىلغان ھەرىكەتلەر كۆزدىن كەچۈرۈلىدۇ.

يىغىندا، ئالدىنقى قېتىملىق دۆلەت خەۋپسىزلىك كېڭىشىدە مۇزاكىرە قىلىنغان سۈرىيەلىك مۇساپىرلارنىڭ ئۆز دۆلەتلىرىگە قايتىشىغا مۇناسىۋەتلىك ئەڭ يېڭى ئەھۋال مۇزاكىرە قىلىنىدۇ.

24-فېۋرال (2022) دىن باشلاپ داۋاملىشىۋاتقان رۇسىيە-ئۇكرائىنا ئۇرۇشى دائىرىسىدىكى ئۆزگىرىشلەرمۇ ئۈستەلدىكى مۇزاكىرە تېمىلىرىنىڭ بىرى.

يىغىندا يەنە، رۇسىيەنىڭ چېكىنىشى بىلەن ئاخىرلاشقان ئاشلىق كېلىشىمىمۇ مۇزاكىرە قىلىنىدۇ.