әрдоған бүгүн әнқәрәдә аббас билән көрүшиду
җумһур рәис рәҗәп таййип әрдоған бүгүн пәләстин дөләт рәиси мәһмуд аббас билән көрүшиду.
түркийә авази радийоси хәвири: җумһур рәис әрдоған аридин бир йил өткәндин кейин, бүгүн пайтәхт әнқәрәдә пәләстин дөләт рәиси мәһмуд аббасни күтүвалиду.
әрдоған пәләстинлик мәнсәпдиши мәһмуд аббасни җумһур рәислик мәһкимиси сәйнасида рәсмий мурасим билән қарши алиду. мурасимдин кейин, рәһбәрләр айрим вә һәйәтләр ара сөһбәт өткүзиду.
асаслиқ күнтәртипини исраилийә-пәләстин тоқунушиниң нөвәттики әһвали тәшкил қилидиған сөһбәт җәрйанида, районда икки дөләтлик һәл қилиш тәсәввуриға мас һалда ташлинидиған қәдәмләр музакирә қилиниду.
әрдоған билән аббасниң учришиши җәрйанида йәнә, түркийә - пәләстин мунасивәтлириму музакирә қилиниду. икки дөләтниң һәмкарлиқини йәниму тәрәққий қилдуруш үчүн немиләрни қилиш керәклики тоғрисида пикир алмаштурулиду. буниңдин башқа, нөвәттики район вә хәлқаралиқ мәсилиләр муһакимә қилиниду.
исраилийә баш министири бенйамин нетанйаһуниң түркийә зийарити оператсийә қилинғанлиқи сәвәбидин кечиктүрүлгәниди.
مۇناسىۋەتلىك خەۋەرلەر
сүрийә вә ирақниң шималида 17 террорчи бир тәрәп қилинди
ирақ вә сүрийәниң шималида бөлгүнчи террорлуқ тәшкилати п к к әзаси 17 террорчи бир тәрәп қилинди.