әрдоған  кәлгүси бир нәччә күн ичидә  әрәб бирләшмә хәлипиликидә зийарәттә болиду

түркийә авази радийоси хәвири: хәзинә вә малийә министири мәһмәт шимшәк пайтәхт әнқәрәдә өткүзүлгән кабинет йиғинидин кейин, мухбирларниң соаллириға җаваб бәрди.

мәһмәт шимшәк муавин җумһур рәис җәвдәт йилмаз билән әрәб бирләшмә хәлипилики зийаритигә мунасивәтлик соалларға җаваб берип, малийә министири болуш сүпити билән, шәхсән өзиниң зийарәтни орунлаштуридиғанлиқини ейтти.

мәһмәт шимшәк зийарәткә мунасивәтлик техникилиқ хизмәтләрниң ахирлашқанлиқини әскәртип: «кәлгүси икки һәптә ичидә бу зийарәтниң барлиқ тәрәплирини ахирлаштуримиз. җумһур рәис әрдоған бәлким шуниңдин кейин зийарәтни әмәлгә ашуриду. зийарәт җәрйанида бир рамка келишими имзалиниши мумкин» деди.