ئەردوغان: فىرانسىيەدىكى ۋەقەلەرنىڭ يىلتىزىدا مۇستەملىكىچىلىك بار
تۈركىيە جۇمھۇر رەىسى رەجەپ تاييىپ ئەردوغان فىرانسىيەدە بىر ساقچىنىڭ ئالجىرىيە پۇشتىدىن بولغان ياشنى ئېتىپ ئۆلتۈرۈشىدىن كېيىن پارتلىغان نامايىشلار ئۈستىدە توختىلىپ: «فىرانسىيەدىكى ۋەقەلەرنىڭ يىلتىزىدا مۇستەملىكىچىلىك بار» دېدى.
تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان كابېنت يىغىنىدىن كېيىن بايانات ئېلان قىلدى.
ئۇ فىرانسىيەدە ئۆتكەن ھەپتە ساقچىلارنىڭ ئالجىرىيە پۇشتىدىن بولغان بىر ياشنى ئېتىپ ئۆلتۈرۈشىدىن كېيىن پارتلىغان نامايىشلارنىڭ يىلتىزىدا مۇستەملىكىچىلىكنىڭ بارلىقىنى بىلدۈرۈپ: «زوراۋانلىق زوراۋانلىقنى پەيدا قىلىپ، بۈگۈنكى ۋەقەلەرگە سەۋەب بولدى. تارىختىكىگە ئوخشاش، شامال چىقارغانلار بوران-چاپقۇنغا دۇچ كېلىۋاتىدۇ. بىز ئەندىشە ئىچىدە كۆزىتىۋاتقان فىرانسىيەدىكى ۋەقەلەرنىڭ كۆپ قان ئاقماستىن ۋە زوراۋانلىقلار تېخىمۇ زورايماستىن بالدۇرراق ئاخىرلىشىشىنى تىلەيمىز» دېدى.
ئۇ ئاممىنىڭ مال-مۈلكىگە زىيان سېلىشنى، كوچىلارغا ئوت قويۇپ، ۋەيران قىلىنىشىنى، ماگېزىنلارنىڭ بۇلاڭ-تالاڭ قىلىنىشىنى ئەيىبلەيدىغانلىقلىرىنى، كوچىدا يۈز بەرگەن ۋەقەلەرنىڭ قانۇنىي ھەق-ھوقۇق تەلەپ قىلىش ئۇسۇلى بولالمايدىغانلىقىنى ئەسكەرتىپ، مۇنداق دېدى:
«شۇنداقتىمۇ بۇ ئىجتىمائىي پارتلاشتىن مۇستەبىتلەرنىڭ ساۋاق ئېلىشى كېرەكلىكى ناھايىتى ئېنىق. يۈز بەرگەن ۋەقەلەرنىڭ كۆچمەنلەرگە قارىتىلغان يېڭىدىن بېسىم قىلىش، مەجبۇرلاش ۋە قورقىتىش دولقۇنلىرىغا سەۋەب بولۇشىدىن ئەندىشە قىلىمىز» دېدى.
مۇناسىۋەتلىك خەۋەرلەر
سۈرىيە ۋە ئىراقنىڭ شىمالىدا 17 تېررورچى بىر تەرەپ قىلىندى
ئىراق ۋە سۈرىيەنىڭ شىمالىدا بۆلگۈنچى تېررورلۇق تەشكىلاتى پ ك ك ئەزاسى 17 تېررورچى بىر تەرەپ قىلىندى.