өмәр чәлик: түркийәниң көчмәнләр сийасити фирансийәниңкигә охшимайду
өмәр чәлик иҗтимаий алақә адресида түркийәниң көчмәнләргә тутқан позитсийәсиниң фирансийә билән болған охшимаслиқини чүшәндүрди.
түркийә авази радийоси хәвири: адаләт вә тәрәққийат партийәси байанатчиси өмәр чәлик фирансийәниң ирқий айримчилиқ сийасити сәвәбидин җәмийәтниң наразилиқиға дуч кәлгәнликини, түркийәниң болса, инсанпәрвәрлик қиммәт қаришини асас қилған сийаситиниң тәқәззаси сүпитидә өлүмдин қачқан панаһланғучиларға игә чиққанлиқини ейтти.
өмәр чәлик түркийәниң инсанпәрвәрлик қиммәт қаришини асас қилған көчмәнләр сийаситини фирансийәдики мустәмликичилик сийасити вә ирқий айримичилиққа толған зораванлиқи билән селиштурушқа болмайдиғанлиқини тәкитлиди.
өмәр чәлик фирансийәниң мустәмликичилик еңи вә ирқий айримичилиққа игә амиви сийасәтлири сәвәбидин иҗтимаий наразилиққа дуч келиватқанлиқини әскәртип: «түркийә инсанпәрвәрлик қиммәт қарашлириниң тәқәззасини асас қилған сийасити сәвәбидин өлүмдин қачқан панаһланғучиларға игә чиқти» деди.
өмәр чәлик түркийәниң көчмәнликни чегра сиртида тутуп туруш истратегийәсини өз ихтийарлиқи билән қайтип кетишкә илһам беридиған лайиһәләр арқилиқ қоллап қуввәтлигәнликини билдүрди.
