تۈركىيە ھاۋا يوللىرى شىركىتى ئىتالىيە سەپەرلىرىنى بىكار قىلدى

تۈركىيە ئاۋازى رادىيوسى خەۋىرى: تۈركىيە ھاۋا يوللىرى شىركىتى ئاخبارات ۋاسىتىلىرى ئىشخانىسىنىڭ بىلدۈرۈشىچە، ئىتالىيەدىكى ئىش تاشلاش سەۋەبىدىن بۈگۈن (20-ئىيۇن) مىلان ۋە بېرگامو شەھەرلىرىدىن ئىستانبۇلغا قارىتىلغان بەزى ئايروپىلان سەپەرلىرى بىكار قىلىنغان.

بۇنىڭغا ئاساسەن، بۈگۈن «TK 1873 ئىستانبۇل-مىلان»، «TK 1874 مىلان-ئىستانبۇل»، «TK 1895 ئىستانبۇل-مىلان»، «TK 1896 مىلان-ئىستانبۇل» نۆۋەتچى ئايروپىلانلىرى قاتنىمايدىكەن. شۇنداقلا  ئانادولۇژېتنىڭ «TK 7794 سابىھا گۆكچەن-ئىستانبۇل -بېرگامو» ۋە « TK 779 بېرگامو - سابىھا گۆكچەن» نۆۋەتچى ئايروپىلانلىرىمۇ قاتنىمايدىكەن.