әрдоған тоқайевға тәзийә билдүрди
дөлитимиз (түркийә җумһурийити) җумһур рәиси рәҗәп таййип әрдоған қазақистанда 14 бағ - орман көкәртиш ишчисиниң өлүмигә сәвәб болған от апити мунасивити билән қазақистан пирезиденти қасим җомәрт тоқайевға тәзийә билдүрди.
1998499
түркийә авази радийоси хәвири: түркийә җумһурийити түркийә җумһурийити җумһур рәислик мәһкимиси учур – алақә ишлири идарисиниң билдүрүшичә, җумһур рәис рәҗәп таййип әрдоған қазақистанда 14 бағ - орман көкәртиш ишчисиниң өлүмигә сәвәб болған от апити мунасивити билән қазақистан пирезиденти қасим җомәрт тоқайевға телефон қилған.
әрдоған телефон сөһбитидә, қазақистанда йүз бәргән орман от апитидә һайатидин айрилған бағ - орман көкәртиш ишчилириға аллаһ тааладин рәһмәт, йариланғанларға шипалиқ тилигән. шундақла қазақистан хәлқидин һал сорайдиғанлиқини ипадилигән, һәмдә қазақистанниң еһтийаҗи чүшидиған йардәмләрни беришкә тәййар икәнликлирини қәйт қилған.