әрдоған дөләт бағчилириниң ечилиш мурасимида сөз қилди
җумһур рәис рәҗәп таййип әрдоған: «җәмийитимиздә муһит асраш еңиниң йилтиз тартишиға капаләтлик қилиш үчүн зор күч чиқириватимиз» деди.
түркийә авази радийоси хәвири: җумһур рәис әрдоған түркийә муһит асраш һәптиси мунасивити билән тоққуз дөләт бағчисини хизмәткә кириштүрүш мурасимиға биваситә син көрүнүшлүк иштирак қилип сөз қилди.
у мундақ деди: «бизниң дунйа қаришимизниң негизидә тәбиәтни аманәт дәп билиш тонуши йатиду. биз җәмийитимиздә муһит асраш еңиниң йилтиз тартишиға капаләтлик қилиш үчүн зор күч чиқириватимиз. бу йилқи муһит һәптиси байриминиң темисини<пакиз дунйа, пакиз деңиз> дәп бекиттуқ. униң бирләшкән дөләтләр тәшкилати (б д т) тәрипидин нөл исрапчилиқ байрими сүпитидә тәбриклинишигә капаләтлик қилдуқ. буниңдин кейинму хизмитимизни давамлаштуримиз» деди.
җумһур рәис әрдоған сөзини давамлаштуруп: «биз дөләт бағчиси хизмәтлиримизни техиму тезлитимиз. ататүрк айродроми дөләт бағчиси билән бирликтә 500 дөләт бағчимизни тамамлиғинимизда, 81 вилайәтниң қийапити өзгириду» дегәнләрни қәйт қилди.
مۇناسىۋەتلىك خەۋەرلەر
ирақниң шималида террорчиларға зәрбә берилди
ирақниң шималида бөлгүнчи террорлуқ тәшкилати — п к к әзаси үч террорчи бир тәрәп қилинди.
