мәвлүт чавушоғлу гиретсийә билән болған мунасивәтләрниң иҗабий кетиватқанлиқини ейтти
ташқи ишлар министири мәвлүт чавушоғлу гиретсийә билән болған мунасивәтләрдә иҗабий бир кәйпийатниң әвҗ елишқа башлиғанлиқини билдүрди.
түркийә авази радйоси хәвири: ташқи ишлар министири чавушоғлу бир телевизийә пирограммисида күнтәртиптики мәсилиләр үстидә тохталди вә гиретсийә билән болған мунасивәтләр тоғрисида: «гиретсийә билән оттуримизда интайин еғир ихтилаплар бар» деди.
чавушоғлу әгә деңизида қоралсизлаштурулған аралларниң салаһийитигә хилаплиқ қилиш шундақла деңиз тәвәлики һоқуқиға мунасивәтлик мәсилиләрниң алдинқи орунда туридиғанлиқини тәкитләп: «булар һәл қилинмиған әһвалда һәр даим җиддийчилик келип чиқиши мумкин. биз рум, правуславийә черкавлириға қандақ һөрмәт көрсәткән болсақ, гиретсийә даирилириму ғәрбий тракйадики түркләргә шундақ һөрмәт көрситиши лазим» деди.
чавушоғлу 6-февралдики йәр тәврәштин кейин, гиретсийә билән болған мунасивәтләрниң иҗабий кетип барғанлиқини билдүрди.
مۇناسىۋەتلىك خەۋەرلەر
түркийә ғәззәгә давамлиқ инсанпәрвәрлик йардими қилмақта
түркийәниң ғәззәгә қилған омумий инсанпәрвәрлик йардими 52 миң тоннидин ашти.