مەۋلۈت چاۋۇشئوغلۇ گىرېتسىيە بىلەن بولغان مۇناسىۋەتلەرنىڭ ئىجابىي كېتىۋاتقانلىقىنى ئېيتتى

تۈركىيە ئاۋازى راديوسى خەۋىرى: تاشقى ئىشلار مىنىستىرى چاۋۇشئوغلۇ بىر تېلېۋىزىيە پىروگراممىسىدا كۈنتەرتىپتىكى مەسىلىلەر ئۈستىدە توختالدى ۋە گىرېتسىيە بىلەن بولغان مۇناسىۋەتلەر توغرىسىدا: «گىرېتسىيە بىلەن ئوتتۇرىمىزدا ئىنتايىن ئېغىر ئىختىلاپلار بار» دېدى.

چاۋۇشئوغلۇ ئەگە دېڭىزىدا قورالسىزلاشتۇرۇلغان ئاراللارنىڭ سالاھىيىتىگە خىلاپلىق قىلىش شۇنداقلا دېڭىز تەۋەلىكى ھوقۇقىغا مۇناسىۋەتلىك مەسىلىلەرنىڭ ئالدىنقى ئورۇندا تۇرىدىغانلىقىنى تەكىتلەپ: «بۇلار ھەل قىلىنمىغان ئەھۋالدا ھەر دائىم  جىددىيچىلىك كېلىپ چىقىشى مۇمكىن. بىز رۇم، پراۋۇسلاۋىيە چېركاۋلىرىغا قانداق ھۆرمەت كۆرسەتكەن  بولساق، گىرېتسىيە دائىرىلىرىمۇ غەربىي تراكيادىكى تۈركلەرگە شۇنداق ھۆرمەت كۆرسىتىشى لازىم» دېدى.

چاۋۇشئوغلۇ 6-فېۋرالدىكى يەر تەۋرەشتىن كېيىن، گىرېتسىيە بىلەن بولغان مۇناسىۋەتلەرنىڭ ئىجابىي كېتىپ بارغانلىقىنى بىلدۈردى.