түркийә конго демократик җумһурийитигә тәзийә билдүрди
түркийә конго демократик җумһурийитидә йүз бәргән кәлкүн апитидә һайатидин айрилғанлар үчүн тәзийә байанати елан қилди.
1984217
түркийә авази радийоси хәвири: түркийә җумһурийити ташқи ишлар министирлиқи тәрипидин елан қилинған тәзийә байанатида, мундақ дейилди: «конго демократик җумһурийитиниң шәрқий қисмидики җәнубий кейву өлкисидә қара йамғур кәлтүрүп чиқарған кәлкүн апитидә йүзләрчә адәмниң һайатидин айрилғанлиқи, 8-май күниниң мәмликәт бойичә <миллий матәм күни> елан қилинғанлиқидин толиму әпсусланған һалда хәвәр таптуқ. кәлкүн апитидә һайатидин айрилғанларниң уруқ-туғқанлириға, конго демократик җумһурийити хәлқи вә һөкүмитигә тәзийә билдүримиз.»
конго демократик җумһурийитиниң җәнубий кейву өлкисидә 394 адәм қаза қилған кәлкүн апитидин кейин, бир күнлүк «миллий матәм» елан қилинғаниди.