әрдоған: чегра һалқиған һәрбий һәрикәтлиримиз үчүн мувапиқ пәйтни күтүватимиз
дөлитимиз (түркийә җумһурийити) җумһур рәиси рәҗәп таййип әрдоған чегра һалқиған һәрбий һәрикәтләрниң ахирлашмиғанлиқини, пәқәт мувапиқ пәйтни күтүватқанлиқлирини ейтти.
түркийә авази радийоси хәвири: җумһур рәис әрдоған бир телевизийә қанилиниң нәқ мәйдан пирограммисида, терроризмға қарши күрәш һәққидә тохталғанда, мундақ деди: «миллий бихәтәрликимизгә тәһдит шәкилләндүрүватқан барлиқ террорлуқ тәшкилатлириға қарши тарихимиздин буйанқи әң кәң даирилиик вә әң үнүмлүк күрәшләрни елип бардуқ. бу даиридә, габар теғида, җуди теғида, тәндүрәк районида вә бәстләр дәрйаси бойида террорчиларни йоқаттуқ.»
әрдоған терроризм, һәрбий - сийасий өзгириш тәшәббуслири арқилиқ өзлирини ағдуруп ташлаш нишаниға йетәлмигән күчләрниң нөвәттә истратегийәлирини өзгәрткәнликини؛ сүрийә чеграсида қурулмақчи болуватқан террорлуқ каридориниң буниң әң рошән мисали икәнликини қәйт қилди.
җумһур рәис әрдоған түркийәниң чегра һалқиған һәрбий һәрикәтләр арқилиқ бу қамални уда 3-4 қетим битчит қилғанлиқини тәкитләп мундақ деди: «худайим буйруса, бу қамалниң қалған қисимлириниму тәдриҗий һалда вәйран қилимиз. җүмлидин чегра һалқиған һәрбий һәрикәтлиримиз ахирлашқини йоқ, пәқәт мувапиқ пәйтни күтүватимиз.»
