қаһраманмарашни мәркәз қилған йәр тәврәштә һайатидин айрилғанларниң сани 50 миң 783 кә йәтти
ички ишлар министири сулайман сойлу телевизийә программисида 6-феврал йүз бәргән қаһраманмараш мәркәз лик йәр тәврәштә қаза қилғанлар саниниң 50 миң 783 йәткәнликини ейтти.
түркийә авази радйоси хәвири: ички ишлар министири сулайман сойлу йәр тәврәштә һайатидин айрилған көчмәнләр саниниңму 7302 йәткәнликини уқтурди.
министир сойлу йәр тәврәш райониға 81 вилайәттин 85 милйон пуқраниң йардәм йәткүзгәнликини, дөләтниң районда мәвҗутлиқини вә һәммәйләнниң зор тиришчанлиқ көрсәткәнликини билдүрди.
сулайман сойлу райондики бина қалдуқлирини тазилаш хизмәтлириниң һазир апәт вә җиддий һаләтләргә тақабил туруш идариси «AFAD» ниң контроллуқида шундақла валийларниң маслишиши астида елип бериливатқанлиқини билдүрүп, «11 районда 57 миң бина қалдуқлиридин 50 миңи тамамланди. буниңму көпинчиси хатайда иди. биз бу хизмәтләрни һейтқичә тамамлаймиз дегән идуқ. көпинчиси хатайда иди. җидди чеқилидиған биналарниң һәммиси тамамланди. 10 күн ичидә еғир зийанға учриған биналарни чеқишқа башлаймиз» деди.
