чавушоғлу: мусапирларниң сүрийәдин түркийәгә сәлдәк еқиватқанлиқи йалған
ташқи ишлар министири мәвлүт чавушоғлу йәр тәврәш сәвәбидин мусапирларниң сүрийәдин түркийәгә сәкдәк еқип кириватқанлиқиниң йалған икәнликини ейтти.
түркийә авази радийоси хәвири: чавушоғлу, пайтәхт әнқәрәдә ливийә дипломатийә министири нәҗла әлмәнгуш билән қошма ахбарат елан қилиш йиғини өткүзди.
ташқи ишлар министири мәвлүт чавушоғлу, 6 –феврал күни йүз бәргән вә сүрийәгиму тәсир көрсәткән қаһраманмарашни мәркәз қилған йәр тәврәш апити сәвәбидин мусапирларниң сүрийәдин түркийәгә сәлдәк еқиватқанлиқиниң йалған икәнликини тәкитлиди.
чавушоғлу, кәң хәлқ аммисини қаймуқтуруш үчүн сахта учурларни тарқитишниң йахши нийәтлик иш әмәсликини әскәртип мундақ деди:
«хәлқара җәмийәт вә бирләшкән дөләтләр тәшкилатиға (сүрийәгә йардәм бериш үчүн) түркийәниң чегра еғизлиридин өтәләйдиғанлиқини ейттуқ. мәсилиниң теги – тәкти мана мушу. бөлгүнчи террорлуқ тәшкилати п к к/й п г җайлашқан районларға чегра еғизлиримизни ачқанлиқимиз, йаки бу чегра еғизлиридин сүрийәликләрниң сәлдәк еқип киришкә башлиғанлиқи йалған.»
«бу чегра еғизлириниң очуқ болуши пәқәт инсанпәрвәрлик йардәм буйумлириниң (сүрийәликләргә) йәткүзүп берилиши үчүндур. йалған учурларни тарқитиш йахши нийәтлик иш әмәстур.»
