قالىن بولتونغا نارازىلىق بىلدۈردى

تۈركىيە ئاۋازى رادىيوسى خەۋىرى: جۇمھۇر رەئىسلىك مەھكىمىسى باياناتچىسى ئىبراھىم قالىن ئاممىۋى ئورتاقلىشىش تور بېتىدىكى سەھىپىسىدە ئېلان قىلغان باياناتىدا، ئىلگىرى تۈركىيەدىكى ھەربىي ئۆزگىرىش تەشەببۇسلىرىنى قوللىغانلىقىنى ئېتىراپ قىلغان بولتوننىڭ، شىمالىي ئاتلانتىك ئەھدى تەشكىلاتى-ناتونى تۈركىيەدە ئۆتكۈزۈلىدىغان سايلاملارغا مۇداخىلە قىلىشقا چاقىرغانلىقىنى ئەسكەرتتى ۋە بۇنىڭغا نارازىلىق بىلدۈرۈپ مۇنداق دېدى: «تۈركىيە خەلقىنىڭ دېموكراتىك ئىرادىسىنى كونتىرول ئاستىغا ئېلىشقا ئۇرۇنۇش بىھۇدە ئاۋارىچىلىقتۇر. ئەي بولتون! مۇستەملىكىچى ۋالىيدەك رول ئوينايدىغان كۈنلەر ئۆتۈپ كەتتى.»