چاۋۇشئوغلۇ شاۋا بىلەن كۆرۈشتى

تۈركىيە ئاۋازى رادىيوسى خەۋىرى: مىنىستىر مەۋلۈت چاۋۇشئوغلۇ ئىجتىمائىي تاراتقۇدىكى ئادرېسىدا ئۇچرىشىش ھەققىدە مەلۇمات بېرىپ: «ھارارېدا زىمبابۋې تاشقى ئىشلار، قوشۇمچە سودا ئىشلىرى مىنىستىرى شاۋا بىلەن ئىقتىساد، سېلىنما، سودا ۋە مۇداپىئە سانائىتى قاتارلىق ئىككى تەرەپلىك مۇناسىۋىتىمىزگە مۇناسىۋەتلىك مەسىلىلەر توغرىسىدا سۆزلەشتۇق. رايونلۇق مەسىلىلەر توغرىسىدا پىكىر ئالماشتۇردۇق. رەسمىي ھەمكارلىق رامكا كېلىشىمى ئىمزالىدۇق» دېدى.