ئەردوغان سەمەرقەنتكە قاراپ يولغا چىقتى
تۈركىيە جۇمھۇر رەئىسى رەجەپ تاييىپ ئەردوغان شاڭخەي ھەمكارلىق تەشكىلاتىنىڭ 22-نۆۋەتلىك دۆلەت باشلىقلىرى يىغىنىغا ئالاھىدە مېھمان بولۇش سۈپىتىدە قاتنىشىش ئۈچۈن ئۆزبېكستاننىڭ سەمەرقەنت شەھىرىگە قاراپ يولغا چىقتى.
1880246
تۈركىيە ئاۋازى رادىيوسى خەۋىرى:جۇمھۇر رەئىس رەجەپ تاييىپ ئەردوغان ئۆزبېكستان پىرېزىدېنتى شەۋكەت مىرزايېۋنىڭ تەكلىپىگە بىنائەن، شاڭخەي ھەمكارلىق تەشكىلاتىنىڭ 22-نۆۋەتلىك دۆلەت باشلىقلىرى يىغىنىغا ئالاھىدە مېھمان بولۇش سۈپىتىدە قاتنىشىش ئۈچۈن 15-16-سېنتەبىر (2022) كۈنلىرى سەمەرقەت شەھىرىدە بولىدۇ.
تۈركىيە جۇمھۇر رەئىسلىك ئۇچۇر-ئالاقە ئىدارىسىنىڭ باياناتىدا بىلدۈرۈلىشىچە، تۈركىيە شاڭخەي ھەمكارلىق تەشكلاتىدا «دىيالوگ شېرىكى» سالاھىيىتىگە ئېرىشكەن 2012-يىلدىن بۇيان، تۇنجى قېتىم تەشكىلاتنىڭ دۆلەت باشلىقلىرى يىغىنىغا «جۇمھۇر رەئىس» سەۋىيەسىدە قاتنىشىدىكەن.
جۇمھۇر رەئىس رەجەپ تاييىپ ئەردوغان 16-سېنتەبىردىكى باشلىقلار يىغىنىدا نۇتۇق سۆزلەيدىكەن ۋە بەزى دۆلەتلەرنىڭ رەھبەرلىرى بىلەن ئۇچرىشىدىكەن.
مۇناسىۋەتلىك خەۋەرلەر
سۈرىيە ۋە ئىراقنىڭ شىمالىدا 17 تېررورچى بىر تەرەپ قىلىندى
ئىراق ۋە سۈرىيەنىڭ شىمالىدا بۆلگۈنچى تېررورلۇق تەشكىلاتى پ ك ك ئەزاسى 17 تېررورچى بىر تەرەپ قىلىندى.