фаһрәттин алтун: техиму адил б д т бәрпа қилиш мумкин

түркийә авази радийоси хәвири: җумһур рәислик учур-алақә идарисиниң башлиқи фаһрәттин алтун йиғинниң ечилишиға видео әвәтти. у нийу йоркта 20-26-сентәбир күнлири арисида ечилидиған б д т 77-нөвәтлик омумий кеңишидин бурун, түркийәниң б д т ислаһатиға қаратқан сийаситини дунйа миқйасида хәлқара җәмийәткә йәткүзүшни мәқсәт қилған йиғинларниң бириниң мадридта ечилғанлиқини әскәртти.

у: «җумһур рәис рәҗәп таййип әрдоғанниң узун вақиттин буйан тәкитләп келиватқан <дунйа бәштин чоң> дегән сөзи хәлқара җәмийәттә көп инкас пәйда қилди. көп қутуплуқ, техиму адил вә һәммини өз ичигә алидиған б д т бәрпа қилиш мумкин» деди.

у б д т ниң һазирқи әһвалиниң хәлқара җәмийәтниң күткинини қамдаштин йирақ икәнликини, инавити вә ишәнчилик дәриҗисиниң төвәнлигәнликини, һәл қилиш чариси әмәс, бәлки қийинчилиқ пәйда қилидиғанлиқини тәкитлиди.

у мундақ деди:

«б д т хәвпсизлик кеңиши бәш даимий әзаси билән зулум салғанға, йаманға йантайақ болғанға қарши аваз чиқармайдиған болди. б д т хәвпсизлик кеңишиниң адил болмиған бу қурулмиси өзгириши керәк, шундақла кәң даирилик ислаһатқа еһтийаҗлиқ.»