әрдоған сербийәни «балқанниң ачқучлуқ дөлити» деди

түркийә авази радийоси хәвири: рәҗәп таййип әрдоған билән вуҗиҗ айрим көрүшүштин илгири байанат елан қилип, икки тәрәп мунасивәтлири вә өзара һәмкарлиқларни тәкитлиди.

рәҗәп таййип әрдоған сербийәдә апрел ейида (2022) өткүзүлгән сайламниң сербийә дөлитигә хәйрилик болушини тилиди.

у икки дөләт оттурисидики сода омумий һәҗиминиң һәр күни дегүдәк ешиватқанлиқини билдүрүп: «биз мәйли сийасий, һәрбий, иқтисадий йаки мәдәнийәт болсун, һәр саһәдә һәмкарлишиватимиз. сербийә балқан райониниң ачқучи. шуңа, мунасивәтлиримиз һәр күни дегүдәк күчийиватиду. һазирға қәдәр сода омумий соммимиз 2 милйард долларға йәтти, буни техиму ашуримиз» деди.

сербийә пирезиденти вуҗиҗ өз дөлити билән түркийә оттурисидики мунасивәтлириниң йахши вә йуқири сәвийәдә икәнликини, өзара сода миқдариниң үзлүксиз ешиватқанлиқини ейтти.

у түркийәниң сербийәгә мәбләғ селишниң үзлүксиз ешиватқанлиқини әскәртип, райондики дөләтләр билән йахши мунасивәт орнатқанлиқини әскәртти.

икки рәһбәрниң көрүшүши ахбаратқа йепиқ шәкилдә өткүзүлди. һәйәтләр ара өткүзүлгән көрүшүштин кейин, охшимиған саһәләр бойичә һәмкарлиқ орнитиш келишимиригә имза қойуш мурасими өткүзүлди. арқидин әрдоған билән вуҗиҗ ахбарат елан қилиш йиғини өткүзди.

сербийә пирезиденти вуҗиҗ рәҗәп таййип әрдоғанниң шәрипигә тамақ зийапити бериду.

рәҗәп таййип әрдоған белград мунари вә шәһәрдики тарихий җайларни зийарәт қилғандин кейин, бүгүн (6-сентәбир) кәч саәтләрдә киродийәгә қарап йүрүп кетиду.