süriyede nurghun térrorchi bir terep qilindi
süriyede «firat qalqini» we «tinchliq buliqi» herbiy heriketliri rayonlirida éniqlap chiqilghan bölgünchi térrorluq teshkilati p k k/y p g ezasi 11 térrorchi urush yardem wasitiliri arqiliq bir terep qilindi.
türkiye awazi radiyosi xewiri: türkiye jumhuriyiti dölet mudapie ministirliqining ammiwi ortaqlishish tor béti Twitter sehipiside, bu heqte élan qilinghan bayanatida, mundaq déyildi: «térrorchilar özlirini kütüwatqan halaketttin qéchip qutulalmaydu. süriyede <firat qalqini> we <tinchliq buliqi> herbiy heriketliri rayonlirida éniqlap chiqilghan bölgünchi térrorluq teshkilati p k k/y p g ezasi 11 térrorchi urush yardem wasitiliri arqiliq bir terep qilindi.
iraqning shimalidimu bölgünchi térrorluq teshkilati p k k mensubi 9 térrorchi bir terep qilindi.
türkiye jumhuriyiti dölet mudapie ministirliqi teripidin bu heqte élan qilinghan bayanatta, mundaq déyildi: «térrorchilarning uwilirini yer bilen yeksan qilishni dawamlashturuwatimiz. iraqning shimalidiki ‹penje – qulup› herbiy herikiti rayonida éniqlap chiqilghan bölgünchi térrorluq teshkilati p k k mensubi yene 9 térrorchi, qisimlirimiz teripidin bir terep qilindi.»
yene bir tereptin, türkiye jumhuriyiti ichki ishlar ministirliqi teripidin mardinda, 679 herbiy xadimning ishtirak qilishida «eren qamal qilish – 20» herbiy herikiti bashlandi.
ministirliq teripidin bu heqte élan qilinghan bayanatta, mundaq déyildi: «dölet miqyasida térrorizmni üzül - késil yoqitish meqsitide dawamlashturuluwatqan <eren qamal qilish> herbiy heriketliri, xelqimizning qizghin qollishi astida keskin we muweppeqiyetlik halda dawamlashmaqta.»
